ترکی اور پاکستان کے مابین دو ملکی شہریت کے لیے معاہدہ ہونے کا امکان :
ترک سفير نے وزیر داخلہ کو دونوں ملکوں کے مابین معاہدے کی پیشکش کردی ۔معاہدے کے تحت شہری دونوں ملaکوں کی قومیت رکھ سکیں گے۔
پاکستان اور ترکی کے درمیان جلد ہی دوہری شہریت کے معاہدے پر دستخط ہونگے۔
تفصیلات کے مطابق پاکستان نے کہا ہے کہ وہ ترکی کے ساتھ ایک ایسے معاہدے پر غور کر رہا ہے جس کے تحت دونوں ملکوں کے شہریوں کو دوہری شہریت دی جا سکی گی۔
پاکستان کے وزارت داخلہ کے ايک بيان کے مطابق وزیر داخلہ اعجاز احمد شاہ اور ترک سفیر احسان مصطفی کے درمیان ملاقات ہوئی ہے۔ اپنی حکومت کی طرف سے دونوں ممالک کو اپنے شہریوں کو دوہری شہریت کی اجازت دینے کے معاہدے پر دستخط کرنے کی تجویز پیش کی۔ اس معاہدے کے تحت دونوں ملکوں کے شہری دوہری شہريت رکھ سکيں رکھیں گے اور مشترکہ سطح کے اقدامات سے مستفید ہو سکیں گے۔
اس کے جواب میں وزیر داخلہ نے کہا کہ اس حوالے سے مسودہ زير غور ہے کہ اس حوالے سے وزارت خارجہ کے ساتھ بات چیت چل رہی ہے اور جلد ہی حتمی نتیجے پر پہنچ جائیں گے ۔
تر ک کے سفیر نے کہا کہ چاہتے ہیں کہ جلد از جلد اس معاہدے کو عملی جامہ پہنایا جاسکے۔ اعجاز شاہ کا کہنا تھا کہ ترکی کے ساتھ باہمی تربیتی پروگراموں کے قیام اور قانون نافذ کرنے والے اداروں کے آلات کو اپ گریڈ کرنے کا بھی خیر مقدم کرتے ہیں۔ اس کے علاوہ اعجاز شاہ نے پٹرولنگ پوسٹ متعارف کرانے کا بھی خیر مقدم کیا ہے۔
وزارت داخلہ ارو ترک سفير کے مابین ہونے والی ملاقات میں افرادی قوت کی صلاحیت کو بہتر بنانے کے لیے جاری تربیتی پروگراموں کو جاری رکھنے پر بھی اتفاق کیا گیا۔ ترک سفير نے ے ڈاکٹر اعجاز شاہ کو رجب طيب اردگان کے پاکستان کے دور ےکے حوالے سے بھی آگاہ کیا
انہوں نے کہا کہ ترک صدر فروری میں پاکستان کا دورہ کریں گے اس دوران دونوں ممالک کے درمیان دو طرفہ امور پر تبادلہ خیال بھی کیا جائے گا