کولالمپور سمٹ کا تصیح شدہ اعلامیہ جاری کر دیا گیا ۔پاکستان اسلامی ممالک کے مشترکہ ٹی وی چینل منصوبے کا حصہ رہے گا ۔تفصیلات کے مطابق گزشتہ روز کو الالمپور سمٹ میں اعلامیہ جاری کیا گیا تھا ۔جس میں سے پاکستان کا نام نکال دیا گیا تھا ۔بعد ازاں تصیح شدہ اعلامیہ جاری کر دیا گیا ۔ اسلام فوبیا کا پروپیگنڈا ختم کرنے کے لیے پاکستان نے ترکی اور ملائیشیا کے ساتھ مل کر اپنا ٹی وی چینل میدان میں لانے کا اعلان کیا تھا۔
اقوام متحدہ کی جنرل اسمبلی کے چوہتر ویں اجلاس میں شرکت کے وقت وزیراعظم عمران خان نے اس بات کا اعلان سماجی رابطوں کی ویب سائٹ ٹوئٹر پر ٹوئٹ میں کیا۔ اپنے ٹویٹ میں وزیراعظم نے لکھا کہ صدر اردگان اور وزیراعظم مہاتیر محمد اور میں نے ملاقات میں فیصلہ کی کہ ا ہم تینوں ممالک مل کر ایک ایسا انگریزی چینل شروع کریں گے، جو اسلام فوبیا سے جنم لینے والے چیلنجز کے مقابلے اور ہمارے عظیم مذہب اسلام کے حقیقی تشخص کو اجاگر کرنے کے لئے مختص ہوگا ۔
عمران خان نے مزید لکھا تھا تھا کہ ایسی تمام غلط فہمیاں جن لوگوں کو مسلمانوں کے خلاف یکجا کرتی ہیں ،یادرہے کو الالمپور سمٹ کے پہلے اعلامیہ کے مطابق ترکی اور ملائشیا کے علاو قطر مل کے چینل بنائیں گے۔ اور پاکستان کا نام شامل نہیں کیا گیا تھا۔تا ہم اب تصیح شدہ اعلامیہ جاری کیا گیا ہے ،جس کے مطابق پاکستان کا نام بھی اس منصوبے میں شامل کرلیا گیا ہے۔
واضح رہے کہ وزیراعظم عمران خان نے دورہ سعودی عرب کے بعد ملیشیا کا دورہ منسوخ کر دیا تھا ۔تاہم وزیراعظم عمران خان نے ملائیشین وزیراعظم مہا تیر محمد اور ترکی کے صدر طیب ا ر د گا ن کو سمٹ میں شرکت نہ کرنے پر اعتماد میں لے چکے تھے ۔جس پر طیب ا ر د گا ن کا کہنا ہے کہ عمران خان کی مجبوری سمجھتا ہوں۔